Political News 🌐

Jim kadan bayan tsallakewa a zaben fidda gwanin dan takarar shugaban kasa na jam’iyyar APC mai mulkin kasar nan, Tinubu ya magant

Jim kadan bayan tsallakewa a zaben fidda gwanin dan takarar shugaban kasa na jam'iyyar APC mai mulkin kasar nan, Tinubu ya magant

Jim kadan bayan tsallakewa a zaben fidda gwanin dan takarar shugaban kasa na jam’iyyar APC mai mulkin kasar nan, Tinubu ya magant

Ya bayyana shirinsa, inda yace dole ne jam’iyyar ta tsaya tsayin daka domin fatattakar jam’iyyar adawa ta PDP

Ya kuma nemi goyon bayan ‘yan Najeriya da kuma ‘yan jam’iyyar ta APC domin cimma wannan buri nasa na mulkar Najeriya

Abuja – Jigo a jam’iyyar APC, Asiwaju Bola Ahmed Tinubu ya zama dan takarar shugaban kasa a jam’iyyar, rahoton Vanguard.

A yanzu dai Tinubu ne zai gwabza da dan takarar babbar jam’iyyar adawa ta PDP, Alhaji Atiku Abubakar a babban zaben 2023 mai zuwa.

Tsohon gwamnan na Legas ya ce lokaci ya yi da APC za ta fatattaki jam’iyyar PDP da ya zarga da janyo wa al’ummar kasar koma baya.

A kalamansa na karbar nasarar, Tinubu ya caccaki PDP, inda yace babu abin da jam’iyyar ta jawowa Najeriya illa talauci da rayuwar kunci.

Hakazalika, a kalamansa ya nemi goyon bayan dukkan ‘yan jam’iyya da kuma ilahirin ‘yan Najeriya domin kawo shugabanci nagari da ciyar da Najeriya gaba a zaben 2023.

Tinubu dai ya samu nasara ne da kuri’u 1,271 inda ya kayar da babban abokin hamayyarsa, Hon. Chibuike Rotimi Amaechi wanda ya samu kuri’u 316, kamar yadda Punch ta ruwaito.

A baya mun kawo muku rahoton da ke bayyana sunayen ‘yan takarar da kuma adadin kuri’un da suka samu a wannan muhimmin zabe.

A wani labarin na daban, dan takarar shugaban ƙasa da jam’iyyar PDP ta tsayar, Alhaji Atiku Abubakar, ya taya jagoran APC na ƙasa, Asiwaju Bola Ahmed Tinubu, murnar samun nasara.

Tsohon mataimakin shugaban ƙasan ya ta ya Tinubu murnan ne a wani rubutu da ya yi a shafinsa na dandanlin sada zumunta Tuwita.

Tinubu, ya lashe zaɓen fidda ɗan takarar shugaban kasa na jam’iyyar APC bayan shafe kwanaki ana gudanar da babban taron APC na musamman a Abuja.

 

 

 

 

Related Articles

Leave a Reply

Your email address will not be published.

Back to top button